පළමු වැනි සඳුදා ජපානයේ නෝටෝ අර්ධද්වීපයට බලපෑ භූමිකම්පාවෙන් එම ප්රදේශයේ වෙරළ තීරය මීටර් 175ක් දක්වා පුළුල් වී ඇති බව අධ්යයනයකින් හෙළි වී තිබේ.
හිරෝෂිමා විශ්ව විද්යාලයේ උපාධි පාසලේ සහකාර මහාචාර්ය Gotou Hideaki ප්රමුඛ විමර්ශන කණ්ඩායමක් භූමිකම්පාව නිසා ඇති වූ භූමියේ වෙනස් වීම සහ භූමිකම්පාව කේන්ද්රගත වූ මධ්යම ජපාන ප්රාන්තයේ ඉශිකාවා හි සුනාමි තරංගවල බලපෑම අධ්යයනය කළහ.
රික්ටර් මාපකයේ 7.6 ක ප්රබලත්වයෙන් යුත් භූමිකම්පාවෙන් පසු ප්රධාන වශයෙන් ලබාගත් ගුවන් ඡායාරූප භාවිතා කරමින් අධ්යයනය සිදු කර ඇත. එය නෝටෝ අර්ධද්වීපයේ ඊසානදිග කොටසේ වෙරළ තීරයේ කිලෝමීටර් 50 ක් පමණ ආවරණය විය.
ප්රතිඵලවලින් පෙනී යන්නේ භූමිකම්පාව නිසාවෙන් එම ප්රදේශය පුරාවටම පොළව උස් වී ඇති බවත් එම නිසා සුසු නගරයෙහි හි කවුරා ප්රදේශයේ වෙරළ තීරය මීටර් 175කින් මුහුද දෙසට පුළුල් වී ඇති බවත්ය.
එහි ප්රතිඵලයක් ලෙස භූමි ප්රදේශය වර්ග කිලෝමීටර් 2.4කින් පුළුල් වූ බව පර්යේෂකයෝ පවසති. අර්ධද්වීපයේ උතුරු වෙරළ තීරයේ සමහර වරායන්හි මුහුදු ජලය නොමැති තත්වයට පත් වී ඇත.
අඟහරුවාදා ප්රංශ චන්ද්රිකාවක් විසින් ගන්නා ලද ඡායාරූපවලින් පෙන්නුම් කළේ වජිමා නගරයේ ඔසාවා ප්රදේශයේ වරායකින් මුහුදු ජලය අතුරුදහන් වී ඇති බවයි. Gotou පවසන්නේ මෙය භූමිය ඉහළ නැගීමේ ප්රතිඵලයක් බවයි.
වසර දහස් ගණනක සිට මෙම ප්රදේශවලට මෙම ප්රදේශ වලට සිදු වූ දැවැන්ත භූමිකම්පා කිහිපයක් මගින් පොලව ඉහල නැගීම් පිළිබඳව දන්නා බවත් මෙවර ද එවැනිම කම්පනයක් ඇති වූ බව ඔහු විශ්වාස කරන බවත් Gotou පවසයි.
