නාගරික උපාය මාර්ග සඳහා මෝරි අනුස්මරණ පදනම් ආයතනය (Mori Memorial Foundation’s Institute for Urban Strategies ) විසින් ප්රකාශයට පත් කරන ලද ගෝලීය බල නගර දර්ශකය හි අඛණ්ඩව අටවන වරටත් තෝකියෝව තෙවන ස්ථානයට පත්ව ඇත.
ජපාන ප්රාග්ධනය ජීවනෝපාය සඳහා දර්ශකයේ ශ්රේණිගත කිරීම්වල විශාල ලෙස ඉහළ සිටින නමුත්, ආර්ථිකය සඳහා එහි පහළම ශ්රේණිගත කිරීම වන 10 වැනි ස්ථානයට පහත වැටී ඇත. ආර්ථික වර්ධනය සහ ආයතනික බදු අනුපාතය වැනි ක්ෂේත්ර සම්බන්ධයෙන් ටෝකියෝව දියුණු නොවීම මෙම පහත වැටීමට හේතු වී තිබේ.
ප්රථමයෙන් ලන්ඩන් සහ දෙවන ස්ථානයේ නිව්යෝර්ක් පෙර මෙන් ප්රමුඛ ස්ථාන වලම සිටින අතර, හොඳම නගර 10 ලැයිස්තුවේ ශැංහයි වෙනුවට ඩුබායි නගරය ඉහලට පැමිණීම හැර, පසුගිය වසරේ ශ්රේණිගත කිරීම්වල ස්ථාන වෙනස් වී නොමැත. මේ වසරේ ශැංහයි නගරය හොඳම නගර 10 අතරට පැමිණ නොමැත. පසුගිය වසරේ 11 වැනි ස්ථානයේ සිටි ඩුබායි, සංචාරකයින් පිළිගැනීමට ඇති සූදානම නිසා පිළිගැනීමක් දිනා ගනිමින් අටවැනි ස්ථානය දක්වා ඉහළට පැමින ඇත.
පර්යේෂණ සහ සංවර්ධන, සංස්කෘතික අන්තර්ක්රියා සහ පරිසරය වැනි කාර්යයන් හයක් තුළ අපේක්ෂක නගර සඳහා ලබා දී ඇති ලකුණු එකතු කිරීමෙන් සමස්ත ශ්රේණිගත කිරීම් ගණනය කර ඇත. වසර දෙකක් අඛණ්ඩව සිව්වන ස්ථානයේ පසුවූ පැරිස්, පසුගිය වතාවේ තෝකියෝව සමඟ බොහෝ දුරට පාහේ කරට කර තරඟ කල නමුත්, නිතර නිතර මාර්ග තදබදය නිසා නගරයේ ප්රවේශ්යතාවයේ ලකුණු සංඛ්යාව පහත වැටී ඇත. තෝකියෝ හැර අනෙකුත් ජපන් නගර අතරින් ඔසාකා 37 වැනි ස්ථානයටත් ෆුකුඕකා 42 වැනි ස්ථානයටත් පත් වූ අතර එයද පසුගිය වසරට වඩා වෙනස් වී නොමැත.
